بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹ پارے کہ بی ایل ایف نا سرمچارک آواران ئٹی تعمیراتی کمپنی، کیچ ئٹی سی پیک کسر آ کسر بندی و پٹ ئہ پول، زامران ئٹی موبائل ٹاور ئے ہُشنگ و تمپ ئٹی کوزہ گیر فوج ئے جلو ئٹ ٹِک کرینو۔
اونا پاننگ اس کہ ہفت مارچ آ نن ئنا ہشت بجہ غا سرمچارک کنیرہ آواران ئٹی اسہ تعمیراتی کمپنی ئسے آ جلو کرسہ اونا مڈی و گاڈی تہ ہشار۔ ہشت مارچ آ سرمچارک ہیرونک و تجابان نا نیام ئٹ سی پیک کسر ئے ہفت بجہ آن نہہ بجہ اسکان تفیر و گاڈی تہ پٹّار۔ ہمو وخت آ لیویز نا کارندہ آک ہم ہموکان گدرینگار ولے سرمچارک اوفتہ ہچّو نسخان ئس تتور و گدرینگ نا موکل تسر۔
گہرام بلوچ نا پاننگ اس کہ نہہ مارچ آ نن ئنا ہشت بجہ غا زامران کیچ ئٹی جاسوسی کن خلوکا موبائل ٹاور نا مڈی تہ ہم سرمچارک ہُشار ہس کریر۔
او ودیک پارے کہ ہندا نن ہفت و نیم آ تمپ کلات کیچ ئٹی کوزہ گیر پاکستانی فوج ئنا چوکی آ گرنیڈ لانچر ئٹ گولہ خلکر ہرا چوکی نا تہہ ٹی تمار و فوج ئے جانی و مالی نسخان رسینگا۔
او ایسر ئٹ پارے کہ بلوچستان لبریشن فرنٹ دا جلو تا زمہ واری ئے ارفک و کوزہ گیر فوج ئنا تیبہ پیشتمنگ اسکان تینا جہد ئے برجاء تخنگ نا قول کیک۔
