بلوچستان لبریشن فرنٹ نا ترجمان میجر گہرام بلوچ تینا بیان ئٹی نوشکی و پنجگور ئٹی پولیس و کوزہ گیر فوج ئنا کمک کن ڈیم جوڑ کروکا کمپنی نا مڈی تا اِرا جلہو نا زمہ واری ئے ارفسہ پارینے کہ سرمچارک ہفت مارچ آ نن ئنا ہشت بجہ نا وخت آ نوشکی شار ئٹی مسلم کمرشل بینک آن خڑک پولیس ناکہ آ سلوک گاڈی ئے چغلی بمب ئٹ ٹِک کریر ہراڑے پولیس نا اسہ کارندہ ئس ٹھپی مس و پولیس نا گاڈی ئے گڑاس نسخان رسینگا۔
گہرام بلوچ نا پاننگ اس کہ اسہ پین جلہو ئسیٹ شش مارچ آ تسپ پنجگور ئٹی سرمچارک کوزہ گیر فوج ئنا کمک کن ڈیم جوڑ کروکا کمپنی نا مڈی تہ ہشار۔
او پارے کہ بلوچستان لبریشن فرنٹ دا ہڑتوما جلہو تا زمہ واری ئے ارفک و پولیس ئے سختی ئٹ پائک کہ او کوزہ گیر پاکستانی فوج و اونا ادارہ آتا منشا آ بلوچ جہد ئنا برخلاف مروکا کاریم تا بشخ مفس، نہ تو او تینا نسخان نا زمہ وار تینٹ مرو۔
