بلوچستان نا ضلع گوادر آن اسہ بندغ ئس سلاہ بند بندغ آتا دو آن بیگواہ کننگانے۔
بیگواہ کننگوک ورنا راہیلہ کلانچ گوادر نا جہی حمل نا مار جلال نا پن ئٹ درست مسنے۔
پن کروک بندغ نا خاہوت نا رد ئٹ اودے 3 مارچ 2025 آ ننکان 9 بجہ نا وختا، گھٹی ڈھور گوادر سبزی منڈی نا خڑک ڈپو آن، ارا گاڑی ٹی سوار سلاہ بند بندغ آک بیگواہ کرینو۔
خاہوت نا رد ئٹ او اسہ ڈپو ئسیٹ مزوری کریکہ۔
خاہوت بندغی حق آتا ادارہ تتون اوار بندغ دوست تنظیم آتیان خواست کرینے کہ او جلال احمد ولد حمل نا آجوئی کن توار بڑز کیر۔
