بہمن آن بیگواہ کننگوک نعمان رفیق، اسماعیل خیر محمد و نعیم بشیر نا خاہوت نا بندغ آک جدگال ڈن (ڈی بلوچ پوائنٹ) آ ایم 8 دگ ئے برانز کرسہ بند کرینو۔
خاہوت جہی میڈیا تون تران کرسہ پارینے کہ اوفتا بندغ آتہ بہمن آن بیگواہ کننگانے ہرافتا آجوئی کن نن داکان مست ہم جتا وخت آتیا برانز کرینن۔ و کالخواک ننے آجوئی نا باور تریفینو ولے اوکان بیدس ہم اوفتہ آجو کننگتنے ہراڑان نن بیوس مرسہ ولدا اینو ایم 8 دگ ئے بند کرینن۔
یات مرے کہ بہمن آن اسہ نن ئٹ 6 ورنا بیگواہ کننگاسس ہرافتیان مسٹ آجو کننگا۔ واہم داسکان نعمان رفیق، اسماعیل خیر محمد و نعیم بشیر بیگواہ ء۔ اوفتا خاہوت آجوئی نا خواست کرینو۔
