کوئٹہ، پنجگور و کراچی آن پاکستانی لشکر چھار بندغ دزگیر کرسا بیگواہ کرینے۔ اندن مستنگ و بہمن آن بیگواہ کننگوک ارا بندغ آجو مسنو۔
کوئٹہ و کراچی آن بیگواہ کننگوک بندغ آک کراچی نا جہی نسیم احمد نا مار نصیر احمد، پنجگور نا جہی گلزار عالم و کوئٹہ نا جہی بشیر احمد نا پن تیٹ درست مسنو۔
پن کروک بندغ آتان نصیر و گلزار عالم ئے راچی نا علاقہ گلشن اقبال آن پاکستانی لشکر دزگیر کننگ آن گڈ بیگواہ کرینے۔
گلزار عالم اقرا یونیورسٹی کراچی ٹی پنچمیکو سیمسٹر نا خوانندہ ئس ء ہرادے
اندن کوئٹہ نا علاقہ بروری آن پاکستانی لشکر 21 فروری آ بروری روڈ کوئتہ نا جہی بشیر احمد محمد حسنی ئے دزگیر کننگ آن پد بیگواہ کرینے۔
ایلو کنڈ آن پنچگور نا علاقہ سریکوران آن پاکستانی لشکر نصیب اللہ پنیئو 15 سالی چناس دزگیر کننگ آن گڈ بیگواہ کرینے۔
بلوچستان نا ضلع پنجگور نا علاقہ سریکوران ئٹی درے نن ارا گاڑی تیٹ سوار سلاہ بند بندغ آک عبدالحکیم پنیئو بندغ ئسے نا ارا غا ارش کرسا ارا نا نہادی آ گڑا تہ لٹنگ آن گڈ اونا 15 سالی مار ئے تینتو درینو ہراکان گڈ اونا ہچ حوال اف۔
جہی حوال تا رد ئٹ پن کروک ورنا ئے سرکاری کارندہ غاک بیگواہ کرینو ہرا اسہ صرف و اے ایکس او ئسیٹی سوار مسنو۔
اندن پاکستانی لشکر نا دو آن 5 فروری 2025 تربت بہمن آن زوراکی ئٹ بیگواہ کننگوک آدم غلام جان اینو آجو مرسا تینا اراغا سر مسنے۔
اندا وڑ مستنگ آن زوراکی ئٹ بیگواہ کننگوک ظہور سمالانی آجو مسنے ہرا نا خاہوت ارا دے آن مستنگ و لکپاس آ اونا سرسلامت آجوئی کن تولوک برانز کننگ اس۔
