تربت نا علاقہ بہمن آن بیگواہ کننگوک، راہل علی محمد، روشن علی محمد، نعیم بشیر و آدم بلوچ نا خاہوت آک اوفتا بیگواہی نا برخلاف اینو M8 کسر ئے برانز کرسا بند کریر۔
خاہوت آتا پاننگ ءِ کہ پن کروک ورنا تہ نن ئنا اوندھائی ٹی اوفتا اُراغان ہرفسہ بیگواہ کننگانے و دائسکان اوفتا ہچ ڈس اف۔
اوفتا پاننگ ءِ کہ داکان مہالو ضلعی کوالخواہ تتون اوڑدئی کرین ولے ننا بندغ آک نہ آجو کننگار نہ پھاش کننگار۔
برانزیک پاریر کہ نن ہموتم اسکان جدگال ڈن (ڈی بلوچ پوائنٹ) آ ایم ایٹ (M8) کسر ئے ملوفن ایسکان کہ ننا ہر چھار ورنا آجو متنو۔
اوفک ایسر ئٹ پاریر کہ اگہ ننا بندغ آک آجو متور گڑا پگہ نن شٹرڈاؤن ہڑتال نا پڑو کرسا تیبہ شار ئے بند کرون۔
