بلوچستان نا ضلع کیچ ئنا جتا علاقہ غا تیٹ لشکر کشی برجاء ءِ۔
حوال تا رد ئٹ کیچ ئنا علاقہ زامران و ہیب ئہ کھیب ئٹ بھلو کچ ئسیٹی پاکستانی لشکر نا کارندہ غاک پہانو۔
دا وختا زامران نا علاقہ زامران تنک و آرچنی کور ئتون اوار جتا علاقہ غا تیٹ لشکر کشی مننگ ءِ ہراڑے بھلو کچ ئسیٹی فوجی کارندہ غاک پندھ آ مَشی آ علاقہ غا تیٹ پیہانو۔
جہی حوال تروکا تا پاننگ ءِ کہ پندھ آ بروک فوجی دستہ غا تِہ ہیلی کاپٹر آک کمک تننگ ءُ۔
ایلو کنڈ آن ضلع کیچ ئنا علاقہ مند آن حوال رسینگانے کہ اینو سہب آن ہیلی کاپٹر آک بال کننگ ءُ۔
آپریشن نا بارو ئٹ کوالخواہ تا پارہ غان ہچو ہیت مونا بتنے نئے کہ دا نیام ئٹ دزگیری یا نسخان تا حوال رسینگانے۔
