بلوچ یکجہتی کمیٹی نا سروک ڈاکٹر ماہ رنگ بلوچ تینا اسہ بیان ئسیٹی پارے کہ ریاستی ظلم آتیان بلوچ نیاڑیک ہم رکھوک افس۔
او پارے کہ اسمہ بلوچ ئے مسہ دے زوراکی ئٹ بندی کننگا، دا وختا ریاستی ڈیتھ اسکوارڈ نا کمکار آک دا معصوم آ مسڑ ئے جسمانی و ذہنی بیدادی تا گواچی کننگا و اونا ایلم تتون اواع خاہوت نا بندغ آتہ کھسفنگ نا دڑکو تسر و زور ئٹ ویڈیو جوڑ کرفیر۔
اونا پاننگ اس کہ اسمہ بلوچ تینا یان ئٹی پارے کہ اونا ارا غا جلہو کریر اونا خاہوت آ بیدادی کریر، و اودے زوراکی ئٹ ہرفیر دریر۔
ایلو کنڈ آن ڈاکٹر ماہ رنگ بلوچ تینا وڈیو کلہو ئسیٹی تربت ئٹی شہید فدا چوک آ مروکا بی وائے سی نا مسہ دیئی برانزی کیمپ ئنا بارو ئٹ پارے کہ بلوچ الس و خاص وڑ ئٹ بیدس عدالت خون مروکا تا خاہوت آتیان خواست کینہ کہ او برانز ئٹ اواع مریر و تینا کیس آتہ درج کرفر۔
