![](https://brahui.zrumbesh.com/wp-content/uploads/2024/01/IMG_2485-1.jpeg)
زوراکی ئٹ بیگواہ مروکا خضدار نا ہندی سلمان بلوچ نا لُمہ پارے کہ کنا مار ئے آجو کیر ، ای اسہ لُمہ سے اُٹ و ای چاوا کہ کنا مار دَونو میار ئس کتنے کہ اودے دا زوراکی ئٹ بیگواہ کیر۔ اگہ اوڑان دوبہ ئس ارے اودے عدالت ئٹی ہتنگ مرے ۔
او پارے کہ کنا مار سلمان ولد محمد ئے 13 نومبر 2022 آ کوئٹہ آن زوراکی ئٹ بیگواہ کننگا، او خُضدار انجینئرنگ یونیورسٹی ٹی عارضی مُلازمت کننگ اسک ، او تینا تعلیمی اسناد آتے ہلنگ کن کوئٹہ آ ہناسس ہراکان اودے زوراکی ئٹ بیگواہی نا گواچی کریر ۔ ای خضدار آن کیہی میل آتا سفر کرسااسلام آباد آ بسُونُٹ کہ کسس کنا توار ئے بنے و کنے انصاف تیر ۔
او بندغی حو آ تا تنظیم آ تیان خواست کرے کہ کنا مار سلمان تون اوار کُل بیگواہ مروکا تہ آجوئی کن توار بُڑز کیر و او سوشل میڈیا ایکٹوسٹ آ تیان خواست کرے کہ اینو شام 6 بج آن 12 بج اسکان سلمان نا رکھ آجوئی کن مہم ئس برجاء مرو۔ کُل بندغ آک دا مہم ئٹ اوار مرسا ننا توار جوڑ مریر ۔