صابر پرکانی نا ایلم بشیر احمد تنظیم ئے پارے کہ اونا ایلم صابر احمد پرکانی ولد خدادادئے بیست ءُ ہفت نومبر 2024 آ نن ئنا یک ءُ نیم آ سی ٹی ڈی، ایف سی و سادہ پُچ آ ریاستی کارندہ آک اوفتا اُرا گاہی خان سریاب شال آن بےقانودی وڑ ئٹ دزگیر کرسا زورئٹ بیگواہ کریر۔ اوفتے اوفتا ایلم نا بارٹ حوال تننگ ئٹی افس، ہرانا سوَب اوفتا خاہوت ڈکھ آتا گواچیءِ۔ تنظیمی جہدکارک بشیر احمدئے پاریر کہ صابر پرکانی نا کیس صوبائی حکومت و زورئٹ بیگواہ تیکن جوڑ مروکا کمیشن ئے تنّنگو و اونا آجوئی کن ہر حوالہ ئٹ توار ہرفّنگو۔
‘وائس فار بلوچ مسنگ پرسنز’ صابر پرکانی نا بیگواہی آ افسوس کرے و حکومت آن خواست کرے کہ اگہ صابر احمد آ ڈوہ ئس ارے گُڑا اودے عدالت آ ہتنگے پھاش کننگہ اگہ اف زو ئس اودے آجو کننگے و اونا خاہوت ئے اونا ڈکھ آن آجو کننگ مرے۔
