بلوچ لبریشن آرمی نا جارکش جیئند بلوچ میڈیا ٹی شنگ کروک درشان ئسیٹی پارے کہ سرمچار آتا انٹیلی جنس نا بنداو آ کروک کاروائی ئسیٹی خضدار ئٹ کوزہ گیر پاکستانی لشکر نا کارندہ غا تہ اسہ ‘وی بی آئی ڈی’ جلہو ئسیٹی ٹک کرسا یانزدہ دشمن کارندہ خلنگا و 28 ٹپی مسُر۔
جارکش پارے کہ تنظیم نا خاص دستہ ‘ایس ٹی او ایس’ بی ایل اے انٹیلی جنس ونگ “زراب” نا حوال تننگ آ کاروائی کرسا خضدار شار آن 60 کلو میٹر نا مری آ کھوڑی نا ٹک آ کوزہ گیر پاکستانی لشکر نا کارندہ غا تہ دروکا بس ئے شورہ آتا پُر لاری ئٹ ریموٹ کنڑول تراک ئٹی ٹک کرے۔ دا جلہو ئٹی بس تیبہ بھس مس و داٹی سوار یانزدہ کارندہ مرگ ئنا گواچی و 28 ٹپی مسُر۔ کھئوکا تیٹی کوزہ گیر پاکستانی لشکر نا ملٹری انٹیلی جنس و فرنٹئیر کور نا کارندہ غاک اسُر۔
او پارے کہ دشمن لشکر نا ہن ئہ بر کروکا بس ئٹی بیرہ کوزہ گیر لشکر نا کارندہ غاک سوار اسر۔ زراب نا رد ئٹ پین لس شاری سوار الو۔ دا مسافر لاری “پنڈی کوچز” گھوڑا چوک بس اڈہ غان ہشت بجہ غا کینٹ آن پیش تماسس و ہشت و نیم آ کینٹ آ سر مس، ہراڑے پیش تمنگ آن پد ہندا کوچ 09 بجہ ءُ چل منٹ آ کھوڑی نا جہہ آ سر مس، ہراڑے اودے وی بی آئی ای ڈی تراک ئٹی ٹک کرسا دشمن ئے سخت جانی نسخان تننگا۔
جارکش پارے کہ بی ایل اے نا اسپیشل یونٹ” ایس ٹی او ایس” و ڈکھکوک ادارہ” زراب” نا پیشہ ورانہ حکمت عملی تا سوب آن دشمن لشکر ئے دا جلہو تون مون تروئی تما۔ بی ایل اے دا سر سوب آ جلہو نا زمہ واری ئے ہرفک و دشمن آ پین اثر مندو جلہو کننگ نا قول کیک۔
