بلوچستان نا علاقہ نوشکی، دالبندین، چاغی و خاران ئٹی انٹرنیٹ بند کننگانے۔
حوال تا رد ئٹ 25 جنوری ہفتہ نا دے دالبندین ئٹی بلوچ یکجہتی کمیٹی نا کنڈ آن اڈ ہلوک بلوچ زنک ایسری نا یاتگاری دے ئنا رد ئٹ مروکا جلسہ نا سوب آن ریاست نا کنڈ آن انٹرنیٹ ئے بند کننگانے۔
خیال ئٹ مرے کہ دا جلسہ نا بارو ئٹ چائنداری تننگ کن دائسکان بلوچستان نا کیہی علاقہ غا تیٹ چائندئی مہم برجاء ءِ۔
اندن کیہی علاقہ آ تیٹ انٹرنیٹ بند و بی وائی سی نا سروک آتیا ایف آئی آر کننگانے۔
دالبندین تون اوار دا علاقہ آتیٹ انٹرنیٹ بند مننگ آن مخلوق خلیس نا درشانی کننگ ءِ کہ حکومت پرامن جلسہ ئے توننگ کن تاغت کاریم ئٹ ہتو۔
