بلوچ یکجہتی کمیٹی مستونگ زون، ساروان ہنکین نا پارہ غان ہفتہ نا دے 11 جنوری آ بلوچ شہید و بیدس عدالت خون تیان زیمی مروک آتا قربانی تِہ دروت ندر کننگ کن اسہ چاہنداری ریلی ئس و مجلس اڈ تننگا۔
ریلی بس اڈہ مستونگ آن بناء مرسا کلی دتو نا قبرستان اسکان سر مس، ہراڑے بلوچ یکجہتی کمیٹی نا بنجائی آرگنائزر ڈاکٹر ماہ رنگ بلوچ، شاہ جی صبغت اللہ، بیبرگ بلوچ، و ایلوفک سنگت ثنا تون اوار ایلو بلوچ شہید آتا گُڈی جہہ تیا بلوچی چادر شاغار، پُھل شنکی کریر و ایصالِ ثواب کن فاتحہ خوانی کریر۔
دا وختا نیاڑی تتون اوار الس ئنا بھلو کچ ئس اوار اس۔
ریلی تون تران کرسا ڈاکٹر ماہ رنگ بلوچ پارے کہ بلوچ قوم شہید آتا قربانی تِہ اُستان دروف۔
او پڑو کرے کہ 25 جنوری 2025 آ دالبندین ئٹ اسہ لس مُچی ئس اڈ تننگو ہرا نا مسخت جہان ئے کلہو تننگ مرو کہ بلوچ “زنک کشی” ئے سگپک۔
