بلوچستان لبریشن آرمی نا ترجمان جیئند بلوچ میڈیا غا شنگ کروک تینا بیان ئٹ پارے کہ بی ایل اے نا فدائی ایلیٹ یونٹ مجید بریگیڈ درو تربت شار آن ہشت کلومیٹر مر بہمن نا جہہ آ کوزہ گیر پاکستانی لشکر نا اسہ قافلہ ئسے آ 05:45 آ جلہو کرِسہ دژمن ئے جانی نسخان رسیفے۔ دژمن نا دا قافلہ، ہراٹی پنچ بس و ہفت لشکری گاڑی اوار اسر، کراچی آن ایف سی ہیڈ کوارٹرز تربت نا کنڈ آ ہننگ اسر۔ مجید بریگیڈ نا فدائی سنگت بارود آن پھر گاڑی ئے قافلہ ٹی خلک۔ ہرانا سوب آن دژمن نا 47 کارندہ مرگ ئنا گواچی مسر و 30 آن زیات ٹپی مسر۔ جلہو ئٹ اسہ بس ئس تیبہ غا تباہ مس، ایلو کنڈ آ ناکارہ و اسہ لشکری گاڑی ئس بھس مس۔
او پارے کہ سینزدہ گاڑی تیا ساڑی قافلہ ئٹ کوزہ گیر نا ایم آئی 309، ایف سی ایس آئی یو، ایف سی 115 ونگ، ایف سی 326 ونگ، ایف سی 81 ونگ نا کارندہ غاک اوار اسر و قافلہ ٹی چھٹی تیا ہنوکا ایس ایس پی پولیس ریٹائرڈ لشکری کیپٹن زوہیب محسن نا گاڑی ہم اوار اسک۔
اونا پاننگ اسک دا کاروائی تنظیم نا انٹیلیجنس ونگ”زراب ” نا تروکا معلومداری تا بنداو آ سر تننگا۔ زراب دا مستند معلومداری تسس کہ دژمن نا قافلہ کراچی آن تربت آ ہننگ ءِ و داٹی کوزہ گیر لشکر نا اہم دستہ اوار ءِ۔ دا مشن نا سرسوبی ئٹ ننا انٹیلیجنس نا کارکردگی و فدائی سنگت نا بے مثل قربانی اوار ءِ۔ دا جلہو اسہ واضح کلہو ئس ءِ کہ کوزہ گیر ریاست کن بلوچستان نا سرزمین ہچ وخت محفوظ مفرو۔
او ودیک پارے کہ دا فدائی جلہو بلوچ لبریشن آرمی نا جند ندر سنگت شہید علی عرف "کاروان” سر تس۔ سنگت بہار بلوچ نا تعلقداری تربت نا جہہ دشت ہوچات نا کہدہ مراد محمد بازار آن اس۔ او 2017 ئٹ بلوچ راجی تحریک ئٹ اوار مس و تینا غیر معمولی خذمت آتا زریعت ئٹ شاری و مشی تومکا محاذ آ تیٹ دژمن نا برخلاف جہد کرے۔
2022 ئٹی او تینا رضا ئٹ فدائی مشن کن تینے پیش کرے و مجید بریگیڈ نا بشخ مس، ہراڑے تینا ایسری قربانی ئے پیش کرسا بلوچ راجی جہد ئنا تاریخ ئٹی نمیران مس۔
ترجمان پارے کہ دا جلہو تنظیم نا ہمو حکمت عملی نا بشخ ءِ ہرانا مسخت بلوچستان ئے کوزہ گیر ریاست کن بے رکھوک جہہ ئس جوڑ کننگ ءِ۔ انٹیلیجنس ونگ” زراب” نا خاص معلومات تا رد ئٹ بی ایل اے دا فیصلہ ئے کرینے کہ کوزہ گیر لشکر، ریاستی دلار و سرمایہ کار تیکن بلوچستان نا کسرتہ بے رکھوک کننگ ءِ۔ دا پالیسی نا رد ئٹ جتا وخت آ زہم تخوک جلہو تا لڑ بناء کننگانے۔ بلوچ الس ئے پاننگک کہ اوفک دشمن نا قافلہ تیان مُر مریر و ٹرانسپورٹ مالک آ تہ پاننگک کہ اوفک کوزہ گیر نا سہولت کاری آن پہریز کیر، اگہ نہ تو تینا نسخان تا زمہ وار تینٹ مرور۔ بی ایل اے بلوچ مڈی و معدنیات تہ لُٹ و پُل ئٹی اوار لاری تا مالک آ تہ پائک کہ اوفک بلوچ وسائل تہ لُٹ و پُل ئٹی تینا اواری ئے بند کیر اگہ نہ تو اوفتا کُل اُلاخ آ تہ ہُشنگ مرو۔
او پارے کہ دا جلہو تنظیم نا ہمو عزم ئنا آدینک ءِ کہ ہرا وخت اسکان بلوچستان آجو متنے کوزہ گیر ریاست نا برخلاف مزاحمت برجاء مرو۔ سنگت بہار علی نا قربانی ثابت کرینے کہ بلوچ قوم ئنا آزادی کن ہچ وڑ ئنا قربانی آن مُر مفرور۔ کوزہ گیر ریاست ساندہ نا وڑ دا جلہو آن پد بے گناہ انگا بلوچ الس آ بیدادی کرے، سُمکاری کرے و کیہی بندغ آتِہ زوراکی ئٹ بیگواہ کرے۔
جارکش ایسر ئٹ پارے کہ بی ایل اے دا جلہو ئٹ اسہ وار ئس پدا صاف کیک کہ کوزہ گیر نا زوراکی تا برخلاف ننا جہد بےسوب مروف۔ دا جلہو نہ بیرہ دشمن کن کلہو ئس ءِ بلکہ یخین تیک کہ آجوئی نا کسر ئٹ تروکا قربانیک زوال مفرور۔ نن تینا جہدئے برجاء تخون و دشمن ئے ہر محاذ آ بےسوب کرون۔ ننا سرزمین کوزہ گیر کن ہر وخت بے رکھوک مرو و نن آجوئی اسکان تینا جہد آن مُر مفرون۔
