بلوچستان نا ضلع پنجگور آن پاکستانی لشکر چھاپہ خلِسہ سینزدہ سالیئو چُنک سن مار ئسے دزگیر کننگ آن گڈ بیگواہ کرینے۔
بیگواہ کننگوک مار صبر اللہ نا مار بالاچ نا پن ئٹ درست مسنے، ہرادے دہ دے مست اونا اُراغان زوراکی ئٹ بیگواہ کننگاسس۔
ہندی حوال تروکا تا رد ئٹ دزگیری نا وخت پاکستانی لشکر اوفتا بیدادی کرسا ٹپی حالیت ئٹ اودے تینتون اوار درے۔
پانننگک کہ داکان مست ہم پاکستانی لشکر دا اُراغا چھاپہ خلکنے، اُرا نا گِڑا تِہ پرغانے، تدوکا تو ہندا اُرا نا مونا اِرا چغلی بمب ہم خساسر واہم ہچ نسخان متویسس۔
حوال تروکا آتا پاننگءِ کہ پاکستانی لشکر اسہ وڑ دا اُرا غا چھاپہ خلیک و خاہوت ئے بیم ئنا گواچی کیک۔
