بلوچستان لبریشن فرنٹ نا جارکش میجر گہرام بلوچ میڈیا ٹی شنگ کروک تینا درشان ئٹی پارینے کہ سرمچارک پانزدہ دسمبر نا شام شش ئہ نیم آ پنجگور ئٹ کوزہ گیر پاکستانی لشکر نا کیمپ آ گرنیڈ لانچر نا کیہی گولہ خلکر ہراکہ صحیح نشانہ غا لگار ہرانا سوب آن کوزہ گیر پاکستانی لشکر ئے جانی و مالی نسخان تون مون تروئی تما۔
جارکش پارے کہ بی ایل ایف نا انٹیلیجنس ٹیم ئنا حوال آ اسپیشل آپریشن اسکواڈ ہندا جہہ آ ہموتم جلہو کرے ہراتم او تینا کیمپ ئنا تہٹی سبزکوہ آپریشن ئٹ شہید مروکا بلوچ فرزند آتا شہیدی آ خوشی کننگ اسر ہراٹی لشکری افسر تیتون آوار آئی ایس آئی و ایم آئی نا کارندہ غاتا بیدس جہی ڈیتھ اسکواڈ و مخبر آک ہم اوار اسر، گرنیڈ لانچر صحیح جہہ آ ترخنگ آن کوزہ گیر ئے جانی و مالی نسخان تون مون تروئی تما۔
ہندا کیمپ ئنا تہٹی آئی ایس آئی و ایم آئی نا اوار دفتر ہم ساڑی ارے۔
جلہو آن پدا کوزہ گیر پاکستانی لشکر سمکاری کرے و الس ئے بیم ئنا گواچی کرے ہراڑان ظاہر مریک کہ جلہو ئٹ لشکر ئے نسخان تون مون تروئی تمانے۔
میجر گہرام بلوچ پارے کہ بی ایل ایف پوسکنا جنگی حکمت عملی آ پیرا مرسا جتا ٹیم تا زریعت ئٹ کوزہ گیر لشکر ئے ٹک کننگ ءِ، ہرانا سوب آن کوزہ گیر لشکر شدید نفسیاتی دباؤ و اضطراب نا گواچی ءِ و سرسوب جلہو تیا سوختہ مرسا کوزہ گیر الس مخلوق ئے ٹک کننگ ء۔
جارکش ایسر ئٹ پارے کہ بلوچستان لبریشن فرنٹ دا جلہو نا زمہ واری ئے ہرفک و کوزہ گیر لشکر نا پیشتمنگ اسکان کوزہ گیر لشکر، اونا تنصیبات و مخبر تِہ ٹک کرسا کرو۔
