زرمبش نوشتانک
سنگت حمیدہ دا دنیائے اِلانے، کان سنگت نا خاہوت آ خوشامدی کن۔
سنگت آک پروگرام ئس ٹہفیر پاریر کہ سنگت ئس دا دنیا ئے الانے کانبو سنگت نا خوشامدی آ۔ سنگت آک پنچ بجہ نا وخت ئے گچین کریر کہ اندا وخت آ سنگت آک بریر گڑا پیشتمِنہ تینا سفر آ راہی مرینہ۔
سنگت آک بَسُر سَر مَسُر گڑا ننا سفر بناء مس۔ نن غٹ سنگت آک سنگت حمیدہ نا خلق ئنا کنڈ آ راہی مَسُن سنگت نا علاقہ (آواران تیر تیج) اس۔ آواران اسہ بھا زیباؤ شار ئس ءِ۔ کسر ئٹ ننا وتن نا مَشک بُڑز و بالا اسر۔ اللّہ جان ننا وتن ئے بھاز گِچین جوڑ کرینے۔ ننا وتن بہشت نا اسہ ٹُکُرَ ئس ءِ۔ نن تینا وتن کن قربان مرینہ۔ نن تینا وتن نا آجوئی کن اسہ زورآور ئسے تون جنگ ئے برجاء تیخانن و دا جنگ ئٹی نن انشاءاللّہ سرسوب مرون۔ دا کنا اولیکو وار اسک کہ آواران آ بسوسٹ، کنے دا سفر اسل بھاز گِچین لگا۔ ہنان خیر ئہ خوشی ئٹ سَرمَسُن۔
سنگت حمیدہ بلوچ ئے کینسر نا ناجوڑی اسک۔ کنے یاد ءِ داکان مُست فیسبک آ سنگت نا ناجوڑی نا حوال ئے سنگت آک تِسسُوسر کہ سنگت ناجوڑ ءِ، و سنگت نا علاج چلینگ اسک کراچی ٹی۔ 28 اکتوبر نا ہمو بے شون آ دے اس کہ سنگت شہید مس۔ کنا راج ئنا مخلوق دا بے مُراد آ ناجوڑی نا گواچی مریک۔ دا ریاست ہمے وخت آن نن کہ اسپتال جوڑ کتنے ننا مخلوق دے پہ دے آ دا ناجوڑی نا گواچی مننگ ءِ۔ ولے ریاست ننا مخلوق کن ہچ آسراتی جوڑ کپک۔ بلوچ نا زنک کشی کن ریاست ہچو کسر النگ اف۔ دا ریاست ننے ڈکھ آتا گواچی کننگ ءِ، ننا ورنا تِہ بیگواہ کننگ ءِ، ننا ورنا تِہ خَلیک بِٹک و ہر ظلم ئے کننگ ءِ ننا راج آ۔
سنگت نا خاہوت ننے بخیر کرے، ننے اسل بھاز شرف تسر پاریر سنگت آک بھاز مُر آن بسُنو۔ بلوچ نا دیہاڑ ئٹ ارے کہ بلوچ تینا مہمان ئے شرف ایتک۔ او ننا خیال ءِ تخار۔ نن سنگت آک خوشامدی کرین اوکان پَد شہید نا ایلم ننے درے اونا گُڈی جہہ (قبر) آ۔ سنگت نا گُڈِی جہہ آ دا فاتح کرین کہ اللّہ پاک سنگت نا آخبت ئے جوان کے سنگت ئے جنت ئٹی جاگہ ایتِہ۔(آمین)
سنگت نا ایلم ننے درے لمہ وتن کہ گوری مروکا شہید آتا گُڈی جہہ تیا۔ شہید رضاء جہانگیر، شہید ظہور حمل بالی جان نا بغل ئٹی پین شہید مروکو سنگت ئس۔ نن دعا کرین اللّہ پاک سنگت آتا جاگہ ئے جنت کے۔ (آمین)
