بلوچستان نا ضلع کیچ و حب چوکی آن پاکستانی لشکر کیہی بندغ آتِہ دزگیر کننگ آن پد بیگواہ کرینے۔
شابیتی حوال تا رد ئٹ ضلع کیچ ئنا علاقہ تمپ بالیچہ آن اینو سُہب ئنا تراک نا توار بننگ مس ہراکان پد پاکستانی لشکر علاقہ ئے گھیرہ کرسا کیہی بندغ دزگیر کرینے۔
دائسکان بیگواہ کننگوک بندغ آتیٹ اسٹ ئسے نا چاہنداری ماسٹر استاد داؤد نا پِن ئٹ مسنے۔ ہندی حوالکار تا پاننگ ءِ کہ ہموتم پاکستانی لشکر کیہی بندغ آتِہ دزگیر کرے ایلو تا چاہنداری دائسکان مننگ کتنے۔
دانگ حب چوکی آن حوال ءِ کہ استو ننکان حب چوکی آن تربت ڈنڈار نا ہندی وسیم بلوچ ولد مراد بخش ئے پاکستانی لشکر دزگیر کرسا بیگواہ کرینے۔
اندن ناصر آباد آن ہم حوال رسینگانے کہ استو ننکان پاکستانی لشکر سراج ولد رحیم بخش پِنیئو بندغ ئسے دزگیر کرسا بیگواہ کرینے۔
