بلوچستان نا تہہ و پیشن نا ٹراسپورٹر آتِہ حکومت بلوچستان کنڈ آن پارت کننگانے کہ او ننکان سفر کپس۔
دا سرکاری حکم نامہ صوبائی ٹرانسپورٹ اتھارٹی نا کنڈ آن شنگ کننگانے۔
دائسکان پھاش سما تمتنے کہ حکومت ٹرانسپورٹر آتیکن ننکان نا سفر آ رکھ انتئے خلکنے واہم بلوچستان ئٹی کوئٹہ، کراچی و پاکستان نا ایلو صوبہ آتا نیامٹ کیہی اُلاخ آک کارہ بریرہ۔
منَہ بندغ نا پاننگ ءِ کہ حکومت بلوچ سلاہ بند تنظیم آتا مننگ کروک جلہو تا سوب آن دا پارت کرینے۔
یاد مرے کہ بلوچ آجوئی نا تحریک نا اسہ بھلو راہشون، بالاچ مری نا شہیدی نا سال پوروی ءِ، ہرا 2007 ٹی اوغانستان نا سیم ئنا خُڑک پاکستانی لشکر تون جھڑپ ئٹی شہید مسس۔ گمان ءِ کہ دننگا وختا آجوئی خواہوک سلاہ بند تنظیم آک کسر تِہ تفرہ یا پاکستانی لشکر و ماڑی تیا بھلو جلہو کیرہ۔
