بلوچستان نا کیہی عیلاقہ تیٹی انٹرنیٹ ڈیٹا ئے بند کننگانے۔
گْوادر، کیچ، پنجگور و خضدار ئٹی انٹرنیٹ بند کننگ آن پد زیارت،قلات ،منگچر،بولان، دکی،لورالائی،پشین، ہرنائی، زیارت، و مچھ ئٹی انٹرنیٹ ڈیٹا ئے بند کننگانے۔
انٹرنیٹ ڈیٹا بند مننگ آن اُلس سخت تکلیفی و جنجال آتا مون تروئی تمنگءِ ۔ ایزی پیسہ جاز کیش و موبائل لوڈ انٹرنیٹ آن مریک ۔عوام ئے کاروبار ئٹی مشکل بننگءِ ۔
یاتی مرے کہ اِرا دے مست ضلع کیچ، گْوادر و خضدار ئٹی انٹرنیٹ ڈیٹا بند کننگانے۔ پک مفروکو حوال تا رِد ئٹ حکومت پاکستان نا نیمہ غان بلوچستان ئٹی کُل موبائل نیٹ ورک تا انٹرنیٹ ڈیٹا تے بند کننگ نا حکم رسینگانے۔
