سندھودیش روولیوشنری آرمی (ايس آر اے) نا ترجمان سوڈو سندھی تینا شنگ کروک گونڈو بیان ئسیٹی پارے کہ ” بلوچ شہید آتا دے ” آ نن اوفتِہ سلام کینہ۔
او پارے کہ راجی آجوئی نا جہد ئٹی شہید مروک آک مظلوم آ راج ئنا میراث مریرہ۔ اوفتا قربانیک قوم آتیکن کسر نا چراغ جوڑ مریرہ۔
اونا پاننگ اس کہ بلوچ شہید آتا ہم تینا ڈیہہ کن کروکا جہد و قربانیک ہم بلوچستان و بلوچ راج ئنا آجوئی نا سفر ئٹ کسر نا چراغ جوڑ مرسا اوفتِہ آجوئی نا مزل اسکان سر کرور۔
