بلوچ یکجہتی کمیٹی مند ئنا کنڈ آن پاننگانے کہ ہنوکا نُہہ دے آن مند مھیر ئٹی تولوک خاہوت آتِہ مزاکرات نا پن ئٹ ہندی نمائندہ و انتظامیہ نا پاسو آن تنگ کننگ ءُ ہرانا نن سخت لوز آتیٹی مذمت ئے کینہ۔
او پاریر کہ اینو سہب ئنا انتظامیہ تون ایف سی نا کنڈ آن برانز ئٹی تولوک پُر ایمن برانزی تِہ گھیرہ کرسا تننگ کننگ ءُ ہرا فریشانی نا ہیت ئس ءِ اگہ برانز ئٹی تولوک زیمی آ خاہوت آتِہ نسخان مس یا اوفتیا تاغت کارمرز کننگا گُڑا دا نا زمہ وار ہندی انتظامیہ و نمائندہ غاک مرور۔
او پاریر کہ مند ئنا سمائی آ اُلس آن خواست کینہ کہ ریاستی زوراکی و کوزہ گیری نا برخلاف اواری نا درشانی کیر و زیمی مروکا خاہوت آتون اوار سلیر و تینا راجی زمہ واری تِہ پورو کیر۔
