پاکستانی لشکر نا دو آن مُسہ سال مُست زوراکی ئٹ بیگواہ کننگوک بلوچستان یونیورسٹی نا خوانندہ سہیل بلوچ و فصیح بلوچ نا وے آجو مننگ نا برخلاف تولوک برانز بناء کننگا۔
خوانندہ تنظیم بلوچ اسٹوڈنٹس ایکشن کمیٹی نا کنڈ آن بلوچستان یونیورسٹی نا مونا اِرا دیئی تولوک برانزی کیمپ ئس اڈ تننگانے۔
یات مرے سہیل و فصیح نوشکی آن تعلقداری تخرہ و نومبر 2021 ٹی بلوچستان یونیورسٹی نا مونغی آن ہڑتُما تِہ زوراکی ئٹ بیگواہ کننگاسس ہرافتا دائسکان ہچ ڈس اف۔
خیال ئٹ مرے، سہیل و فصیح بلوچ نا زوراکی ئٹ بیگواہی نا برخلاف داکان مُست ہم بلوچستان تون اوار کراچی ٹی برانز کننگاسس و اوفتا زوراکی ئٹ بیگواہی نا برخلاف خوانندہ غاک خواننگ نا سرگرمی تیان ہم بائیکاٹ کرسا برانزی کیمپ اڈ تسوسر ہرادے ہموتم نا حکمران تتون ہیت ءَ تران آن پد ایسر کننگا۔
ہڑتُما خوانندہ غا تا زوراکی ئٹ بیگواہی ئے مُسہ سال مسنے والے دائسکان او آجو کننگ متنو۔
