شہید رضا جہانگیر نا شائری نا کتاب “مادریں ھاک”کلوہ پبلیکیشن شال ئنا کنڈ آن چھاپ و شنگ مسنے۔
کلوہ پبلیکیشنز شال ئنا کنڈ آن میڈیا ٹی شنگ کروک درشان ئسیٹی پاننگانے کہ شہید رضا جہانگیر نا شائری نا کتاب”مادریں ھاک”(لمئی آ مِش) نُمے بلوچستان و کراچی نا کتاب جاہ تیٹی دو تمو۔
شہید رضا جہانگیر بلوچ خوانندہ گل( بی ایس او آزاد) نا سیکریٹری جنرل اسک ہرادے 14 اگست 2013 آ کیچ ئنا بنجائی شار تربت ئٹی بی این ایم نا سینئیر باسک شہید امداد بجیر تون اوار شہید کننگا۔
شہید رضا جہانگیر نا بھاز آ شئیرک اخبار و میگزین تیٹی شنگ مسنو و بلوچی زبان نا شئیر خلوکاک اونا شئیر تِہ خلکنو۔
