حوال تا رد ئٹ پاکستانی لشکر گوادر نا ہند دشت آن درو مُسہ بندغ زوراکی ئٹ بیگواہ کرینے اندن تربت آن ہم مُسہ بندغ دزگیر کننگ آن گڈ بیگواہ کرینے۔
حوال تا رد ئٹ درمحمد نا مار حمزہ، اقبال نا مار موسی، نبی بخش نا مار فیصل ئے پاکستانی لشکر پنچ شمبے نا دے 17 اکتوبر 2024 آ گوادر نا ہند دشت دورو چیک پوسٹ آن دزگیر کننگ آن گڈ بیگواہ کرینے۔
اندن کیچ ئنا بنجائی شار تربت آن پاکستانی لشکر اِرا جتاؤ جاگہ غا چھاپہ خلِسہ مُسہ ورنا دزگیر کننگ آن گڈ بیگواہ کرینے۔
زوراکی ئٹ بیگواہ کننگوک ورناک تاج محمد نا مار عمران، نواز و منظور نا مار وفا نا پن ئٹ درست مسنے۔ ہرافتِہ نُہہ دے مُست پاکستانی لشکر بیگواہ کرینے۔
عمران و نواز ئے کولواہی بازار آپسر و وفا ہرا بالگتر گڈگی نا جہی ئسے آسکانی آن پاکستانی لشکر بیگواہ کرینے۔
