حوال تا رد ئٹ بلوچستان نا علاقہ دکی ٹی بیست و یک مزور ئے کھسفنگ نا برخلاف کولا کانڑ تیٹ کاریم کروکا ایلو مزورک برانز کرسا کاریم ئے بند کرینو۔
اوفتا پاننگ ءِ کہ ہراتم اسکا جوان وڑئٹ ننا رکھ مفک، مزورک تینا برانز ئے برجاء تخور۔
دکی ٹی منَہ دے مُست کولا کانڑ تیا جلہو مسس ہراڑے بیست و یک مزور کھسفنگاسس، ہراکان گڈ او برانز بناء کریر و خواست کرینو کہ بیست و یک مزور ئے کھسفوکا تِہ زوت دزگیر کننگِہ۔
اوفتا پاننگ ءِ کہ ہراتم اسکان کہ اوفتہ گچین وڑئٹ رکھ ئنا آسراتی رسینگتنے، او تینا برانز ئے برجاء تخور۔
مزورک پاریر کہ اوفتا رکھ ئکن گھام ہرفنگِہ نہ تو او کاریم کنّنگ نا موکل تروفس، دا حالیت اوفتیکن گیشتر خطرہ نا سوَب جوڑ مسّنے۔ اندا سوب آن کاریم ئے بند کننگ آ امنّا مسّنے۔
یات مرے کہ ہندا تُو ئنا دہ و یانزدہ اکتوبر نا نیامیکو نن نادرست آ سِلاہ بند بندغاک جلہو کرسا کولا کانڑ تیٹ کاریم کروکا بیست و یک مزور ئے کھسفیسر۔ کھئوکا مزورک گیشتر جہیئو بندغ ءُ و گِڑاس نا تعلقداری اوغانستان آن ءِ۔
ایلو کنڈ آن حکومت تدینی آن پد ہندا علاقہ ٹی سرچ آپریشن نا پڑو کرینے۔
