عوامی نیشنل پارٹی نا صدر ایمل ولی خان چاگڑدی حوالکاری میڈیا ایکس آ پوسٹ ئس کرسا پارے کہ ای بلوچ یکجہتی کمیٹی و اونا دلیر آ راہشون ڈاکٹر ماہ رنگ بلوچ نا بارث ئٹ پوڈ کاسٹ ئٹی پاروکا تینا بے منصفانہ لوز آتیکن است ئٹ معذرت خواہوہ۔
او پارے کہ ننا بلوچ سنگت آک جوانیکا چارہ کہ پاکستان ئٹی جتا گڑا تا بارث ئٹ ننا شک و خُلیس آک ننے وخت وخت رد ایترہ۔ بلوچ آتا لمّہ وطن تون مہر نن کُل کن کسر نشان تروکو چراغ اسے۔ نن سرپند مرینہ کہ پشتون آتہ دا ڈغار آ بلوچ آتیان گچینو سیوتی رسینگ کپک۔ نن اسٹ ایلو تون اندن سلوک مرون ہمر خان عبدالولی خان و نواب خیر بخش مری سخت انگا وخت ئٹ جہان ئے نشان تسر۔
او پارے کہ ای اسہ بد بختو پاس ئس ودی کننگ آ معذرت کیوہ۔
یات مرے کہ اے این پی نا سینیٹر ایمل ولی خان تینا اسہ انٹرویو ئسیٹی پاریسس کہ بلوچ یکجہتی کمیٹی خلائی کارخانہ اسے، اسہ لس بندغ ئس 20 ہزار بندغ ئے اِرا وخت ئنا اِرغ تننگ کپک، او ہرا کاریم ئے کریر او اڑزان الو بھازی آن بندغ آتا است ئنا ارمان تیکن بیگواہ کننگوک بندغ آتا ویل بھاز بھلن اے، اگہ ریاست کس ئے بَننگ کن الیپ او اسلام اسکان امر سر مننگ کیرہ۔
دا بیان آ ایمل ولی خان ئے بھاز نغد کاری تون مون تروئی تما ہراکان گڈ او ایکس آ پوسٹ ئس کرسا معذرت کرے۔
