بلوچ یکجہتی کمیٹی نا بنجائی آرگنائزر ڈاکٹر ماہ رنگ بلوچ چاگڑدی حوالکاری میڈیا غا تینا پوسٹ ئس شنگ کرسا دکی کولا کانڑ ئٹ کاریم کروک مزور تا خون ئنا مذمت کرینے۔
او پارینے کہ استو ننکان دکی ٹی 20 مسکینو مزور تِہ کھافنگ نا تدینی دا ہیت ئے ننے دوارہ یات کرفک کہ بلوچستان تیبہ بےقانودی تا سرزمین جوڑ مسنے۔
او پارے کہ داڑے مسکین آ مزور، ملازم و سیاسی کاریم کروک، کس ہم رکھوک اف۔ اخس کہ دا جیڑہ ترند مننگ ءِ، فوجی ئنا دو شاغنگ، سیکورٹی آپریشن نا پنا زر ہلنگ و بد عنوانی ٹی ودکی مننگ نا گمان ودسہ ءِ۔
او پارے کہ کنا دعا و تعزیت تدینی آن زیمی مروکا خاہوت آتتون اوار ءُ۔
