ضلع خضدار نا تحصیل زہری آن اَسہ تُو ئس مُست بیگواہ کننگوک بندغ آجو مرسا تینا اُرائے سر مس۔
شابیتی حوال تا رد ئٹ 31 اگست 2024 آ زہری بلبل لیویز چوکی آن لیویز کارندہ غلام یاسین ولد ماسٹر عبدالغنی راج موسیانی ہراکہ زہری بلبل نا ہندی اسے بیگواہ مسس، و درو خضدار آن آجو مرسا تینا اُرائے سر مس۔
خاہوت نا بندغ آک بیگواہ لیویز کارندہ غلام یاسین موسیانی نا آجوئی ئے پک کرینو۔
پنجگور آن حوال ءِ کہ ضلعی انتظامیہ و زورانسری ئٹ بیگواہ مروکا صابر نور نا خاہوت نا نیامٹ مذاکرات کمشنر مکُران نا دا باور تننگ آ ایسر کننگانے کہ صابر نور و عابد نور ئے 24 ساعت ئٹی آجو کننگ مرو۔
انتظامیہ نا باور تننگ آ خاہوت برانز ئے ایسر کرسا کسر ئے ملا، واہم دائسکان ہچ گھامگیج متنے۔
