بلوچستان نا ہند خاران آن پاکستانی لشکر چھار بندغ ئے بیگواہ کرے۔ بیگواہ کننگوک مُسِہ پین بندغ آجو مسنے۔
بیگواہ کننگوک بندغ آک امین اللہ نا مار ارشاد، محمد انور نا مار داؤد و عبدالقادر نا مار امین اللہ نا پن ئٹ چائنگ مسنو۔
پاکستانی لشکر خاران نا ہند جنگل ایریا کلی رحمت اللہ آن اُراغا چھاپہ خلسہ اوفتے بیگواہ کرے۔
حوال تا رِد ئٹ پاکستانی لشکر نا خڑکیکا بیست گاڑی نا کاروان ئٹ کارندہ غال برسا مُچا ہند ئے گیرہ کرسہ اوفتے بیگواہ کریر۔
خاران آن اسِہ پین بندغ ئسے نا بیگواہی نا حوال ارے۔ اینو دو بجہ غا خاران بازار آن امان اللہ محمد حسنی ئے اونا دُکان آن سلاہ بند بندغ آک بیگواہ کریر۔
کیچ ئنا علاقہ بلیدہ آن پاکستانی لشکر نا دوآن بیگواہو مُسِہ ورنا آجو مسر و تینا اُرا تیا سر مسُر۔
آجو مروکا تیٹی اکرم، عبدالمالک ءُ صلاح الدین بلیدہ چھب ئنا ہندیک اوار ءُ۔ خاہوت اوفتا آجوئی ئے پک کرینے۔
