بلوچستان نا ضلع قلات آن استو ننکان پاکستانی لشکر اِرا ورنا اوفتا اُراغان زوراکی ئٹ بیگواہ کرینے۔
قلات نا علاقہ کلی پندرانی آن پاکستانی لشکر حسین شاہ نا مار اختر شاہ ئے و محمد حنیف نا مار سحاج مینگل ئے اوفتا اُراغان زوراکی ئٹ بیگواہ کرینے۔
ہندی حوال تا رد ئٹ استو ننکان پاکستانی لشکر نا بھلو کچ ئس کلی پندرانی ئے تیبہ غا گھیرہ کرسا اُرا تیا جلہو کرے و اندا وختا پن کروک ورنا تِہ دزگیر کرسا اوفتا خن تیا پٹی تفے و گاڑی تیٹ شاغا۔
پن کروک ورنا تا بارث ئٹ اوکان گڈ ہچو حوال اف۔ ضلعی کوالخواک دائسکان دا رد ئٹ ہچو ہیت کتنو۔
