کیچ ئنا علاقہ مند ئٹ بلوچ اسٹوڈنٹس ایکشن کمیٹی (بساک) نا کنڈ آن چھار دیئی کتاب مُچی ئس اڈ تننگا۔
کتاب مُچی نا اینو اولیکو دے اس ہرا سرسوبی ئٹ ایسر مس۔ کتاب مُچی پین مُسہ دے اسکان برجاء سلو۔
اینو کتاب مُچی مند سورو نا بھلا بازار ئٹی اڈ تننگا ہراڑے استاد و خوانندہ غا تتون اوار جتا فکری تپہ آتیان تعلقداری تخوکا بندغ آک برسا کتاب سیل کریر و کتاب ہلکر۔
بساک نا پاسو آن چھار دیئی کتاب مُچی نا پڑو کننگاسس ہرا مند ئنا جتا علاقہ آتیٹ اڈ تننگو۔
بلوچستان کتاب کاروان بساک نا کتاب مُچی تا اسہ کیمپئین اسے ہراٹی جتا وخت ئٹ جتا علاقہ آتیٹ کتاب مُچی اڈ تننگک۔
