بلوچستان نا علاقہ پنجگور آن بیگواہ مروکا ذاکر دشتی نا خاہوت اونا زوت آجوئی کن سی پیک کسر ئے برانز کرسا بند کرے ہرا اینو اِرٹمیکو دے ہم برجاء ءِ۔
برانز و کسر بند مننگ نا سوب آن اُلاخ آتا ہن ءَ بر بند ءِ۔
بیگواہ غا ذاکر دشتی نا خاہوت سرادک نا ہند آ سی پیک نا کسر ئے ہر وڑ ئنا ہن ءَ بر کِن بند کرینے۔ خاہوت ذاکر دشتی نا آجوئی نا خواست کننگ ءِ۔
دا وختا برانز کروکا تیٹی بھلو کچ ئسیٹی چُنا نیاڑیک ہم اوار ءُ۔
ذاکر دشتی نا زائیفہ نا رِد ئٹ ذاکر دشتی ئے مُسِہ دے مہالو سلاہ بند بندغ آک بیگواہ کریر۔ بست و بند ہمو دے آن بے توار ءِ ہچو ورندی تننگ اف۔
اونا زائیفہ پارے کہ اگہ ذاکر دشتی ئے آجو کننگ متو تو او تینا برانز ئٹ پین ترندی ہتور۔
