بلوچستان نا علاقہ بولان ئٹی درو آن لشکر کشی برجاء ءِ، ہیلی کاپٹر تیٹ شیلنگ، کلبر ئٹی جاسوس جہاز خننگانے۔
حوال تا رد ئٹ جمبرو، پُڑ، چکی واڑ و ہیب کھیب ئنا علاقہ آتیٹ درو آن لشکر کشی برجاء ءِ۔ کیہی ہند آتیا ہیلی کاپٹر آتیٹ شیلنگ کننگانے۔
حوال تروکا تا رد ئٹ استو ننکان ہم ہیلی کاپٹر آک بال کننگ مسنو و اینو ہم بال کننگ آ خننگ مسنو۔
ہندی حوال تا رد ئٹ درو ہندی بندغ آتا اُرا تیا گن شپ ہیلی کاپٹر آک شیلنگ کرینو ولے جانی نسخان نا دائسکان حوال دو بتنے۔
دانگان ضلع کیچ ئنا علاقہ تمپ، کلبر ئٹی درو ننکان چرجوئی ئٹ جاسوس جہاز آک بال کرینو۔
کوالخواک دا بارث ئٹ ہچو ہیت کتنو ولے تیبہ بلوچستان ئٹی فوجی ہن ءَ بر و سُر پُر ئٹی ودکی خننگ مسنے۔
