بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئٹی پارینے کہ سرمچار آک 4 ستمبر چار شمبے نا دے شش بجہ غا قلات نا ہند شاہ مردان ئٹی ساڑی کوزہ گیر پاکستانی لشکر فرنٹیئر کانسٹیبلری چیک پوسٹ نا کارندہ تے ہموتم اسنائپر ئٹ ٹک کریر ہراتم او تینا ڈیوٹی ئے بدل کننگ اسُر، ہرانا زد ئٹ برسا اَسہ ایف سی کارندہ ئس مرگ ئنا گواچی مس۔
جارکش پارے کہ جلہو آن پد سرمچار آک پوسٹ آ راکٹ گولہ خسار ہرا چیک پوسٹ نا تہٹی تمار ہراڑان لشکر ئے پین جانی و مالی نسخان رسینگا۔
جارکش ودیک پارے کہ بلوچستان ئٹی پاکستانی ریگولر لشکر و ایف سی نا بھلو کچ ئسے پوسکنو مشینری تُد ءِ ولے گوریلا جنگی حکمت عملی بلوچستان ئٹی کوزہ گیر لشکر ئے زہنی و نفسیاتی ناجوڑی تا گواچی کرینے۔ پاکستانی لشکر تون دا ناجوڑی آن پیشتمنگ نا اسٹ انگا کسر بلوچستان آن تیبہ غا پیشتمنگ ءِ۔
جارکش ایسر ئٹ پارے کہ بی ایل ایف دا جلہو تا زمہ واری ئے ہرفک و آزات بلوچستان اِسکان تینا جلہو تے برجاء تخنگ نا عزم تخک۔
