بلوچستان لبریشن فرنٹ نا ترجمان میجر گہرام بلوچ میڈیا غا شنگ کرورک تینا بیان ئٹی پارے کہ بلوچ سرمچار آک مُسہ جتاؤ جلہو تیٹی مُسہ جتا ٹک آتیا ریاستی ایجنٹ و اِرا موبائل ٹاور ئے سُمکاری کننگ آن پد مشینری تے ہُشار۔
او پارے کہ پنچ ستمبر پنچ شمبے شام ئنا ہشت بجہ غا زہری خضدار نا مین کسر زیک ئنا ٹک آ ریاستی ایجنٹ ندیم ولد علی محمدئے ٹک کریر، سُمکاری نا زد ئٹ بننگ آ ریاستی ایجنٹ سخت ٹپی مس۔
اونا پاننگ اس کہ پن کروک بندغ ریاستی کمکار اسے ہرا شہید نور الحق عرف بارگ ولد ظاہر احمد و شہید ضیاء الدین عرف دلجان ولد عبدالرسول نا شہادت ئٹی تُد اس۔ ہندا ایجنٹ 19 فروری 2018 ئٹی زہری تراسانی نا ٹک آ تینا ہمراہ ظفر اللہ تراسانی، حفیظ تراسانی و ماسٹر ثناء اللہ تراسانی تون پاکستانی لشکر تون تُد اسک۔
ترجمان پارے کہ دا کُل بندغ آتا نشاندہی مسنے ہرافک 19 فروری 2018 آ زہری نا ٹک آ پاکستانی لشکر تون اوار مرسا شہید نورالحق عرف بارگ و شہید ضیاءالدین عرف دلجان ئے شہید کریسُر، زوت کُل ڈوہدار آتے ٹک کننگو۔
اونا ودیک پاننگ اس کہ اسہ پین کاروائی ئسیٹی سرمچار آک سئے ستمبر شام ئنا ہشت بجہ غا بغاو بارکھان نا ہند بکھرانی ٹی یوفون ٹاورئے سُمکاری کرسا بھُس کریر۔
او پارے کہ مُسٹمی کاروائی ٹی سرمچار آک چار ستمبر شام ئنا پنچ بجہ آ موسی خیل نا ہند کنگری ٹی ٹیلی نار ٹاورئے تراک ئٹ بھُس کننگ آن پد مشینری تے سُمکاری ٹی ہُشار۔
میجر گہرام پارے کہ پاکستانی لشکر و اونا ایجنٹ آک بلوچ راج ئنا دشمنءُ، دا کُل ایجنٹ آتے ٹک کننگو ہرافک بلوچ اُلس ئے ریاستی لشکر تون اوار مرسا زوراکی ئٹ بیگواہ کریفینو و مون پہ معن شہید کننگ ئٹی فوج تون اوار مسنو۔
او پارے کہ پاکستان تینا حوالکاری نظام نا ذریعہ ئٹ بلوچ سرمچار آتے سر مننگ و اوفتا موبائل تے ٹریس کننگ نا بےسوب کوشست کننگ ءِ ولے تنظیم نا سرمچار و ڈکھکوک محکمہ ہر وخت ہر ہمو ڈٹ ئے بےسوب کرو ہرانا مسخت سرمچار آتےنسخان تننگ ءِ۔
او ایسر ئٹ پارے کہ بی ایل ایف دا جلہو تا زمہ واری ئے ہرفک و آزاد بلوچستان اسکان ہر ہمو ڈٹ ئے بھُس کرو ہرانا مسخت بلوچ راج ئنا استحصال ءِ۔
