کراچی لی مارکیٹ آن پاکستانی پولیس و ڈھکوک ادارہ غاک اِرا ورنا ئے دزگیر کرسا زوراکی ئٹ بیگواہ کرینو۔
شابیتی حوال تا رد ئٹ کراچی نا ہند آٹھ چوک آن درو شام ئنا نُہہ بجہ نا وختا کراچی پولیس و پاکستانی ڈھکوک ادارہ غاتا کارندہ آک اِرا ورنا ئے زوراکی ئٹ بیگواہ کرینو۔
بیگواہ کننگوک ورنا تا چاہنداری بلوچ آباد مند کیچ ئنا ہندی خالد نا مار حسنین و دے کہی بلوچستان پیشین نا ہندی اسلم نا مار رحمان نا پن ئٹ مسنے۔
پن کروک ورنا تا خاہوت آتا پاننگ ءِ کہ نن دزگیر مروک ورنا تا بارث ئٹ معلومداری کن ہندی تھانہ غا ہنان ولے پولیس بے سمائی نا درشانی کرسا پارے کہ ڈھکوک ادارہ آک ہفوک دروک مرور تا۔
خاہوت آتا پاننگ ءِ کہ تومکا تا فون نمبر آک جھٹ ئس یلہ مریرہ ولدا بند مریرہ۔
