بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچار آک جمعہ 23 اگست نا دے یک بجہ غا خاران نا ہند سرگردان ئٹی سی پیک کسر آ کاریم کروکا تعمیراتی کمپنی نا سائیٹ آ جلہو کریر و کُل مشینری تے ہُشار۔
او پارے کہ کاروائی ئے کننگ آن پد سرمچار آک سلامتی ئٹ تینا ٹھکانہ غاتے سر مسُر۔
اونا پاننگ اس کہ بلوچستان آ پاکستان نا کوزہ ءِ و کوزہ گیر ہچ وخت کوزہ کروکا ہندئے شونداری تفک بلکہ شونداری نا پِنا زوراکی و کُشت و خون ئنا بازار گرم کیک ولے بلوچ راجی تنظیم بی ایل ایف دنو ہچو ڈٹ ئسے نا موکل تفک ہرا نا مسخت بلوچ زنک کشی و بلوچ مڈی تا لُٹنگ مرے۔
ترجمان پارے کہ نن کُل ٹھیکیدار آتے خبردار کینہ کہ اوفک ریاستی ڈٹ آتیان تینے مُر کیر اگہ نہ اوفتا ایسر خراب مرو۔
او ایسر ئٹ پارے کہ بی ایل ایف دا جلہو نا ذمہ واری ئے ہرفک و دا قول ئے کیک کہ ریاستی لشکر، اوفتا ڈٹ و آلہ کار آتیا ننا جلہوک برجاء مرور۔
