منکی پاکس نا تالان مننگ نا خلیس آن بلوچستان نا محکمہ جانجوڑی ہائی الرٹ شنگ کرے۔
حوال تا رد ئٹ کوئٹہ، کیچ، گوادر، حب، چمن، و چاغی ٹی افسر آتے پنت تننگانے کہ سیمی علاقہ آتا کُل کسر تیا دا رد ئٹ گھام ہرفنگ مرے۔
اندن ائیرپورٹ، گوادر، تربت، چمن، تفتان سیم تیا ہم ہائی الرٹ تننگانے۔
افسر آتے پاننگانے کہ اگہ کس ئے منکی پاکس مننگ نا خلیس مس تو اوفتا بارو ئٹ ذمہ وار کوالخواہ تے سرپندی تننگ مرے۔
یاتی مرے جہانی محکمہ جانجوڑی “ڈبلیو ایچ او” منکی پاکس نا بارو ئٹ ارٹمیکو وار جہانی الرٹ شنگ کرسا دا دین ئنا تالان مننگ نا خلیس نا درشانی کرینے۔
منکی پاکس ئٹ اول کاٹم خڷ، ہِڷ، بدن دڑد و دمدرینگ نا مارشت مریک، و ناجوڑی نا زیات مننگ آ بدن آ دانہ و ٹپ ودی مریک۔
