حوال تا رد ئٹ درو و اینو سُہب ئنا مالو زرغون ئٹی کوزہ گیر پاکستانی لشکر نا لشکر کشی بناء کننگانے۔ بھلو کچ ئسیٹی تیوہ ہند ئے پلویڑ ئٹ ہلِسہ جتاء ہند آتیا کمانڈو دھڑفنگانے و گن شپ ہیلی کاپٹر آتیٹ شیلنگ کننگانے۔
شابیتی حوال تا رد ئٹ درو شش بجہ نا وختا کوزہ گیر پاکستانی لشکر نا ہیلی کاپٹر آک بال کننگ آ خننگ مسوسر و زرغون نا جتاء ہند شعبان، وڈھ، روئز وار آ شیلنگ کننگاسس، ہرا شام ئنا 12 بجہ اِسکان برجاء مسس۔
پاکستانی لشکر تون اوار کمانڈو ہم مسنے، ہرا جتاء ہند آتیا دھڑینگِسہ فضائی کمک تننگ اسُر۔ داکان بیدس کوزہ گیر لشکر تون کُننگ نا مڈی ہم مسنے۔
واہم، شیلنگ آن پد دائسکان جانی و مالی نسخان نا ہچ حوال رسینگتنے۔
یاتی مرے کہ مَنہ دے مُست شعبان نا ہند آن شش جون خننگاسس، پاننگک پاکستانی لشکر ہمو جون تے دوئی کننگ خواہک، و زرغون نا ہند ئٹی بلوچ آجوئی خواہوک سلاہ بند تنظیم آتا خُلیس ہم ارے ہراڑے پولیس و لیویز ہننگ آ خُلیک۔
