بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچار آک پانزدہ اگست آ کیچ ئنا بنجائی شار تربت، سنگانی سر ئٹی کوزہ گیر پاکستانی لشکر نا ملٹری انٹیلجنس نا آلہ کار نصیر احمد ولد پیر محمد ئے سُمکاری کرسا کھسفیر۔ پن کروک راجی مجرم تدوکا شش سال آن ایم آئی نا احمد پنی ءُ آفیسر ئسے کن کاریم کننگ اسک و تدوکا اِرا، مُسہ سال آن سخت بھاز سرگرم اس۔
ترجمان پارے کہ سرمچار یحییٰ عرف سکے ئے شہید کروکا، بالاچ بلوچ ئے زوراکی ئٹ بیگواہ و شہید کروکا، شہرک ئٹی ننا اِرا سنگت آتیا جلہو ئٹی ہم تد اس۔
او پارے کہ پن کروک راجی مجرم پاکستانی لشکر و ایجنسی تیکن مخبری، سہولت کاری کریکہ، سرمچار آتے شہید کننگ تون اوار کُل فوجی کاروائی تیٹی فوج ئنا کُمکار اس و ایلو چاگڑدی خرابی تیٹی ہم اوار اس۔
اونا پاننگ اس کہ ریاستی آلہ کار نصیر احمد شہرک، ککن، کیساک، تربت و بلیدہ نا کیہی ہند آتیٹی زوراکی ئٹ بیگواہ کننگ، بلیک میلنگ، تڑی و ایلو پندل آتا ذریعت ئٹ بندغ آتے، خاص وڑ ئٹ ورنا تے تحریک نا برخلاف کاریم کننگ آ بیوس کریکہ۔
ترجمان ودیک پارے کہ ہندا ریاستی آلہ کار نہ بیرہ ورنا تے بلکہ زالبول آتے ہم تنگ و بلیک میلنگ کرسا تحریک نا برخلاف مخبری کننگ کن بیوس کننگ ئٹی اوار اسک و دانا ٹولی نا کیہی باسک آک کاریم کننگ ءُ ہرافتیٹی منہ زالبول ہم اوارءُ۔
او پارے کہ بی ایل ایف نا ڈھکوک ٹیم و سرمچار آک ریاستی آلہ کار نا کوزہ آن کیہی بندغ آتا دستاویز( شناختی کارڈ) دوئی کریر ہرافک نصیر احمد کن کاریم کننگ ءُ۔
اونا پاننگ اس کہ نن ہمو کل بندغ آتے جبردار کینہ و موقعہ تینہ کہ تنظیم و تحریک مخالف کاریم تیان مُر مریر اگہ نہ تینہ ایسر و سزا کن تیار مریر۔
او پارے کہ راج تون غداری کروکا بندغ آتا مرک عبرت ناک مریک و اونا بروکا کیہی نسل آتے ملامتی تون مون تروئی تمک۔ بلوچ راج ئنا ہر بندغ آ واجب ءِ کہ او ہر منکن وڑ ئٹ بلوچ راجی تحریک تون کمک مریر اگہ کس ئس تحریک تون کمک کننگ کپک کم آن کم دشمن نا آلہ کار مرسا تینا بروکا وخت ئے تہار کپس۔ بی ایل ایف واضح کیک کہ راجی مفاد آتا برخلاف ہچ وڑ ئنا کاریم ئسے برداشت کننگ مفرو۔
ترجمان ایسر ئٹ پارے کہ بی ایل ایف ریاستی آلہ کارئے کھسفنگ نا ذمہ واری ئے ہرفک ریاست و ریاستی آلہ کار آتیا جلہوک برجاء مرور۔
