پنجگور، تربت و حب بلوچستان ٹی تدینی تیٹ مسہ بندغ بیران و لسبیلہ کنراچ نا مَش تیٹ بیگواہ مروکو بندغ ئسینا جون شاہ نورانی آن خننگانے۔
پنجگور ٹی سی پیک کسر حاجی یاسین مارکیٹ آن خڑک زمباد گاڈی یانزدہ سال ئنا چُنا سے خلک۔ پولیس نا پاننگءِ کہ سی پیک کسر یاسین مارکیٹ آن خڑک زمباد گاڈی یانزدہ سال ئنا چُنا فرہاد/سخی داد جاگہ تار آفس پنجگور ئے خلک ارا جاگہ آ ساہ تِس۔
پولیس آصف پِنی آ زمباد ڈیور ئے ہلک و لاش ئے ٹیچنگ اسپتال پنجگور آ راہی کرے۔
ایلو نیمہ آ تربت ٹی اسہ بندغ ئسے بجلی ہلک کھسک۔ پولیس نا پاننگءِ کہ بی اینڈ آر کالونی تربت ٹی تینا اُرا ٹی بجلی نا کاریم کننگ ئٹی شعیب/غلام رسول کرنٹ لگنگ آن جہان آن رخصت مس۔
ہندن حب ئٹی ورنا ئس ڈینگی آن کذیت کرے۔
ایلو نیمہ آ کنراچ لسبیلہ نا مَش تیٹ گُم مروکا بندغ نا لاش درگاہ شاہ نورانی کوہن آن خننگانے، ہرا منہ دے مہالو شکار کِن پیشتماسس و گُم مسّس۔ کنراچ نا مَش تیٹ گُم مروکا رسول بخش جاموٹ نا لاش درگاہ شاہ نورانی آن ملّانے ہرا منہ دے مُست پَب ئنا مَش ئٹ شکار کِن ہنسہ گُم مسّس۔
ارانا پٹّنگ ئٹی گھٹ آ مَش تیان اِرا بندغ تمسہ ٹھپی ہم مسُر۔
