بلوچ لبریشن آرمی نا جارکش جیئند بلوچ میڈیا ٹی شنگ کروک تینا درشان ئٹی پارے کہ بی ایل اے نا سرمچار آک کوئٹہ، زامران، نوشکی و خضدار ٹی ہفت جتاؤ جلہو تیٹ کوزہ گیر پاکستانی لشکر و دژمن نا پِن ئنا مجلس آ تے ٹک کرینو۔
جارکش پارے کہ سرمچار آک درو شام ئنا کوئٹہ شار ٹی نواب اکبر بگٹی اسٹیڈیم آ ہموخت گرنیڈ لانچر تیٹ کیہی گولہ خلکُر ہراوخت کوزہ گیر پاکستانی لشکر نا بھلُنی ٹی پِن ئنا چھانڑدہ اگست نا مجلس برجاء اس، کوزہ گیر لشکر و دتکی حکومت کروڑ آ پیسہ خرچ کرسا پروگرام اڈ کریسس۔
جارکش ودیک پارے کہ اینو شام ئنا اَسہ پین کاروائی ئسیٹی بلوچ لبریشن آرمی نا سرمچار آک کوئٹہ ٹی ریلوے اسٹیشن آن خُڑک کوزہ گیر پاکستانی لشکر نا بھلُنی ٹی برجاء پِن ئنا جشن آزادی نا مجلس ئے بمب جہلو ٹی ٹک کریر۔
او پارے کہ بی ایل اے نا سرمچار آک کوئٹہ سیکریٹریٹ آ گرنیڈ لانچر تیٹ گولہ خلِسہ ٹک کریر، اَسہ پین کاروائی ئسیٹی کوئٹہ نا ہند اختر آباد ئٹی کوزہ گیر لشکر نا چوکی ئے دستی بمب جلہو ئٹی ٹک کریر ہراٹی کم آن کم اِرا کارندہ ٹپی مسُر۔
جارکش پارے کہ بلوچ لبریشن آرمی نا سرمچار آک اینو سُہب ئنا زامران ئٹی صابونی نا ہند آ کوزہ گیر پاکستانی لشکر نا اَسہ پوسٹ ئسے آ تومکا کنڈ آن جلہو کرے۔ سرمچار آک سنائپر تیٹ اَسہ دژمن کارندہ ئسے ہند آ مرگ ئنا گواچی کرسا جلہو نا بناء کریر، دژمن لشکر آ کبین آ سلاہ تیٹ جلہو کرسا پین مُسہ کارندہ ٹپی کریر، کوزہ گیر لشکر نا خلوکا سرویلنس کیمرہ تے ہم سرمچار آک جلہو ٹی بھس کریر۔
اونا پاننگ اس کہ اَسہ پین کاروائی ئسیٹی سرمچار آک اینو سُہب ئنا خضدار ٹی کوزہ گیر لشکر نا جوڑ کروکا پن ئنا ڈیتھ اسکواڈ نا کارندہ یونس محمد نا اُرا ئے دستی بمب جلہو ئٹی ٹک کریر۔
بلوچ لبریشن آرمی نا سرمچارآک اَسہ پین جلہو ئسیٹی نوشکی زور آباد نا ہند آ کوزہ گیر پاکستانی لشکر نا کارندہ تے دستی بمب جلہو ٹی ٹک کریر، ہراٹی کم آن کم اِرا کارندہ ٹپی مسُر۔
جارکش ایسر ئٹ پارے کہ بلوچ لبریشن آرمی دا جلہو تا زمہ واری ئے ہرفک۔ کوزہ گیر پاکستانی لشکر نا بلوچستان آن مکمل پیشتمنگ اِسکان ننا جہد برجاء مرو۔
