بلوچ لبریشن آرمی نا جارکش آزاد بلوچ میڈیا ٹی شنگ کروک تینا درشان ئٹی پارینے کہ ننا سرمچار آک کیچ ئنا ہند مند سورو ٹی پاکستانی لشکر و اوفتا آلہ کار تا نیمہ غان کشوکا چھانڑدہ اگست نا پن ئنا ریلی ئے ایف سی کیمپ آن خُڑک ریمورٹ کنٹرول بمب ئٹ ٹک کریر۔
او پارے کہ پاکستانی لشکر و اوفتا ایجنٹ آک تینا رکھ کن مَنہ سادہ ءُ شاری تے اوار کریسُر، ہندا سوب آن سرمچار آک حکمت عملی ئٹ گڈی وخت ئٹی دا ہیت ئے یخینی کرے کہ جلہو ئٹی بے ڈوہ آ بندغ آتے نسخان رسینگپ۔ نن ہند ئنا ہر خاہوت ئے سختی ئٹ پنت کینہ کہ او تینا بندغ آتیا نظر تخر۔
جارکش ایسر ئٹ پارے کہ بی ایل اے دننگا جلہو تیٹی کوزہ گیر لشکر یا اوفتا آلہ کار تا صفحہ تیٹ ہامدیکا اوار مروکا شاری تا سلامتی نا ضمانت تفک۔
