بلوچستان لبریشن فرنٹ نا ترجمان میجر گہرام بلوچ تینا شنگ کروک درشان ئٹ پارینے کہ بلوچ سرمچار آک 08 اگست 2024 آ جھاؤ واجہ باغ بازار( امین بازار) ئٹی سُم کاری کرسا سرکاری مُخ تفی ٹی کاریم کروک ہندی ڈیتھ اسکواڈ نا سروک و سرنڈر کروک سرمچار عباس عرف لکوئے کھسفیر۔
او پارے عباس عرف لکو ولد بودو چکلی نوندڑہ جھاؤ نا ہندی 2018 ٹی پاکستانی لشکر نا مونا دو بُڑز کریسس۔ پاکستانی لشکر نا مونا دو بُڑز کننگ آن پد بے توار مننگ نا جاگہ غا پاکستانی لشکر تون اوار مرسا بلوچ فرزند آتا شہیدی و زوراکی ئٹ بیگواہی تون اوار چاگڑدی گندئی تیٹی تُد اس۔
او ودیک پارے کہ راجی مجرم عباس عرف لکوئے پارٹی کیہی وار خبردار کریسس کہ بلوچ جہد ئنا برخلاف کاریم تیان مُر مَر ولے او تینا گندہ غا کاریم تیان مُر متو۔ عباس عرف لکو بلوچ جہدکار آتا خاہوت آتے بلیک میل و اوفتے پاکستانی لشکر نا دو آن زوراکی ئٹ بیگواہ کننگ ئٹی تُد اسک و ہفت نومبر 2018 ٹی پارٹی نا کمانڈر شہید مہیم، شہید اورنگزیب ،شہید گلشیر و شہید راشد جان نا شہیدی و 08 نومبر 2023 آ آواران نا ہند پیراندر لوپ ئنا ہندی بے ڈوہ بلوچ فرزند نور بخش ولد ساحب داد نا شہیدی ٹی تُد اسک۔
ترجمان نا پاننگ اس کہ منحرف سرمچار عباس عرف لکو نیشنل پارٹی نا خیر جان نا چُنکا ایلم ساقب بزنجو نا بھلنی ٹی جھاؤ نا جتا ہند سورگر، نوندڑہ، جھل جھاؤ، دراجکور و آواران پیراندر ئٹی ایم آئی کن کاریم کننگ اسک و دا ہند ئٹ ایم آئی پاش دا ٹولی ئے بلوچ جہدکار آتا برخلاف سلاہ بند کرسا جہدکار آتے نسخان تننگ تون اوار چاگڑدی گندئی، دزی و بے ڈوہ بندغ آتیان زور ئٹ ٹیکس ہلنگ کن یلہ کریس ئس۔
او ایسر ئٹ پارے کہ بلوچستان لبریشن فرنٹ راجی مجرم ئے خلنگ نا ذمہ واری ئے ہرفک۔ مجرم ئے اونا ڈوہ تے ہُرسا سزا تننگ مسنے۔ بلوچ چاگڑد و بلوچ راجی تحریک نا برخلاف کاریم کروکا کُل ئے خبردار کننگک کہ اوفک تینا دا عمل آتیان دو کشیر اگہ نہ تو اوفتے ہم ہندا بھرم تون مون تروئی تمو ہرا اوفتا بروکا نسل آتیکن شکی گری نا سوب مرو۔
