بلوچ یکجہتی کمیٹی نا پڑو آ اینو برانز ئٹی، سونا خان، سریاب کسٹم، بروری بائی پاس و گولی مار چوک ئے تیبہ بند کننگا۔ گْوادر و بلوچستان نا ایلو ہند آتیٹ بلوچ راجی مُچی آ بروکاتا لٹ کُٹ نا برخلاف مچا شار ئٹی ہڑتال برجا اے۔
دالبندین: پنچمیکو دے ہم دالبندین و ضلع نا ایلو علاقہ آتیٹ ہڑتال، بلوچستان و ایران نا کسر بند کننگا۔
ہندن تربت ئٹی ہم غُٹ کاروباری جاگہ آک ہنوکا پنچ دے آن بند ءُ، شار ئٹی کُننگ نا ساماب نا کمی اے۔ تربت آن شال و کراچی آ ہنوکا گاڈیک ہم بند ءُ۔ ہراڑان سامان تا کمی نا سوَب مخلوق خوار مننگ ئٹی اے۔
تربت ئٹی موبائل و انٹرنیٹ بھازا جاگہ آتیٹ بند ءُ۔ ہراڑان مخلوق نا حال حوال مشکل مسّنے۔
