مُچ بلوچستان ٹی فوج ئنا کُنڈان امن ئٹ برانز کروکاتا سُم کاری ٹی شہید و ٹھپی مننگ تون اوار سیاسی کاریم کروکاتا بیگواہی آ افسوس اے۔ ہرانا سوَب بلوچستان ٹی بندغی بحران ئس ودی مسّنے، ریاست بلوچ اُلس نا امن ئٹ مروکا دیوان تا سُم کاری کیک ہرا شرم ئنا ہیت ئسے۔
بلوچ راج ئنا تینا زیہا مروکا زوراکی تا برخلاف گْوادر ٹی بلوچ راجی مُچی نا دروشم ئٹ سیاسی مُچی ئے توننگ نہ بیرہ غیر قانودی ءُ عمل ئسے بلکہ تینٹ اسہ ظلم ئسے۔
ایلو نیمہ آ بلوچستان ٹی مہالو آن بلوچ خوانندہ آک زورئٹ بیگواہی تا گْواچی مرسہ ءُ ولے داسا عوامی سیاسی کاریم تہ توننگ کن خوانندہ و ایلو ورناتِہ ریاست ہلیک بند کیک ۔
بلوچ اُلس آ ساڑی آ مروکا زوراکی ٹی گْوادر نا تدینی و ورنا تا بیگواہی آ بلوچ اسٹوڈنٹس ایکشن کمیٹی بلوچ راج ئتو اواری نا درشانی کرسہ مُچ بلوچستان و بلوچستان آن پیشن مُسہ دے ئکن کلاس آتا وے ہِننگ نا پڑو کیک۔ نن بلوچ ورنا و استاد و ایلو خوانندہ و استاد آتان خواست کینہ کہ بلوچ راج ئتو اواری نا جوزہ ئٹ تینا خواننگ نا ادارہ آتیٹ کلاس ہلپس۔
بنجاہی جارکش
بلوچ اسٹوڈنٹس ایکشن کمیٹی (بساک)
