کوئٹہ: بلوچ ڈاکٹرز فورم نا جارکش گوادر ئٹی پُر ایمن برانز آ ریاست نا طاقت نا کارمرز آ سخت رد عمل نا اظہار کرسا پارے کہ حکومت طاقت نا نشہ ٹی بے گناہ بلوچ آتا جلہوکار مس و بندغ آتے دزگیر کرسا تینتون درے۔ دزگیر مروکاتیٹی ڈاکٹر صبیحہ و بیگواہ آ ڈاکٹر دین محمد نا مسڑ سمی دین ہم اوارءُ ۔ ڈاکٹر صبیحہ و ایلوفتہ دزگیری ئے پاش کپننگ آ کُل ڈاکٹر کمیونٹی ٹی پریشانی ارے۔
جارکش پارے کہ گوادر تون اوار بلوچستان جٹی بندغی المیہ ودی مننگ کیک اگہ حکومت تینا رویہ ہندا وڑ تورے۔ دا کبین انگا ساہت ئٹ کُل بندغ دوست مخلوق و پارٹی تے بلوچ آتون سلوئیءِ۔
جارکش ایسر ئٹ پارے کہ اگہ ڈاکٹر صبیحہ ئے زوت آجو کننگ متو گڑا تیوعہ ڈاکٹر کمیونٹی تون اوار مرسا سخت آن سخت برانز کننگ مرو ارانا ذمہ وار بلوچستان نا حکومت مرو۔
