شال: پاکستانی لشکر ہندا ہفتہ کلی کمالو سریاب کسر آ اُراغان ظہیر بلوچ نا زوراکی ئٹ بیگواہی نا برخلاف مروکا برانز ئٹی اوار ہدایت اللہ سمالانی پنی ءُ ورناس ئے دزگیر کننگ آن پد زوراکی ئٹ بیگواہ کرے۔
دا رد ئٹ بلوچ وائس فار مسنگ پرسنز نا جارکش سوشل میڈیا ایکس آ بیگواہ مروکا ورنا نا حوال ئے پک کرسا نوشتہ کرے کہ اودے چار دے مُست اونا اُرا کلی کمالو سریاب کسر آن دزگیر کریس ئس، ہنوکا دے شال پولیس اونا دہ دے نا جسمانی ریمارڈ ہرفسہ نادُرست جاگہ ئسیا درے و اونا خاہوت ئے حوال تننگ افس۔
