![](https://brahui.zrumbesh.com/wp-content/uploads/2024/07/IMG_4693-1024x576.jpeg)
سامی ٹی کوزہ گیر پاکستانی فوج ئتو جنگ ئٹی بلوچ آجوئی لشکر (بی ایل اے) نا سرمچار علی جان عرف کریم شہید مس و دشمن نا مسہ کارندہ خلّنگا۔
بلوچ آجوئی لشکر (بی ایل اے) نا سرمچاراک بیست ءُ سئے جولائی اِرا ہزار بیست ءُ چھار ئنا نن کیچ ئٹی سامی، گشکور نا ہند آ پاکستانی فوج ئنا چوکی سے آ جلہو کریر۔ سرمچاراتا اسہ دستہ ئس دشمن فوج ئنا کیمپ آن خُڑک لُٹ ءُ پُل نا منصوبہ سے نا سامان تہ نسخان تِس۔
کوزہ گیر فوج ئتو جنگ ئٹی دشمن نا مارٹر گولہ آن سرمچار علی جان بلوچ عرف کریم باوہ نا پِن کمال شہید مس۔ سنگت علی جان سامی تربت ٹی رہینگاکہ و دا وخت گشت کمانڈ نا وڑئٹ کاریم کریکہ ہندن او زامران، بلیدہ، کلبر، سامی و تربت نا سنگر آتا دشمن نا برخلاف بھادری ئٹ جنگ کریسس۔
بلوچ راجی آجوئی کن تینے ندر کروکا سرمچار علی جان عرف کریم اِرا ہزار ہژدہ ٹی سنگت تنظیم ٹی مرسہ مَش تا سنگر تہ ہلک و اِرا ہزار بیست ئٹی بلوچ آجوئی لشکر (بی ایل اے) ٹی بس۔ شہید علی جان نا خاہوت کوزہ گیر فوج ئنا زوراکی تا گْواچی مس ولے دشمن شہید علی جان ئے راجی آجوئی نا جہد آن توننگ کتّو۔
بلوچ آجوئی لشکر (بی ایل اے) شہید سنگت علی جان ئے دا بھلا قربانی آ سلام کیک و دا جوزہ ئے درشان کیک کہ ہُرے یا زوت شہیداتا فکر ئے مزّل آ سرکننگو۔
جیئند بلوچ
جارکش، بلوچ آجوئی لشکر (بی ایل اے)
تاریخ: بیست ءُ پنچ جولائی اِرا ہزار بیست ءُ چھار